خاطرة..... خطوة إلى السلام النفسي

 خاطرة..... خطوة  إلى السلام النفسي

 

أحد أهم الوسائل للوصول للسلام الداخلي هو التصالح مع الحاجات اللي بنقبلها لنفسنا ومبنقبلهاش من غيرنا..

 خاطرة..... خطوة  إلى السلام النفسي

أحد أهم الوسائل للوصول للسلام الداخلي هو التصالح مع الحاجات اللي بنقبلها لنفسنا ومبنقبلهاش من غيرنا..

 يعني إيه؟

يعني زي ما فيه ناس معينة بنحبها وبنحب ندخّلهم دايرتنا ونديهم أولوية دونًا عن غيرهم، لازم نتقبل إننا ملناش أولوية عند البعض دونًا عن غيرنا؛ الموضوع كله قايم على القبول والراحة النفسية تجاه الأطراف الأخرى مش عيب فينا أو فيهم؛ وبذل المجهود من أجل كسب ود ناس مفيش من ناحيتهم قبول لينا أو العكس ده ضغط نفسي لأن ده مش تارجت لازم نحققه؛ عشان وارد جدًا بعد ما نكسب ودهم ونوصل للي عايزينه نزهدهم وميكونش عندنا طاقة باقية نحافظ عليهم وعلى وجودهم، وممكن جدًا نأذيهم لأننا عملنا اللي ميتعملش عشان نبهرهم وخلصنا طاقتنا لحد هنا ومعملناش حساب للبعدين!!

 عشان كده لازم نحافظ على مشاعرنا، ومش لازم نخلي كل الناس تحبنا أو احنا نحب كل الناس بنفس القدر من المعزّة

 زي ما قولت الموضوع كله قايم على القبول، واحنا عندنا القدرة إننا نحس باللي بيبدولنا نفس مشاعر الحب والتقدير، فبلاش نضلل مشاعرنا ونسوحّها ونجبرها تعمل حاجة تأذينا وتكسرنا، وبلاش نتعشم في ناس واضح أوي إننا مش في أولوياتهم ولا لازم عدم قبولهم لينا يزعلنا؛ عشان إحنا كمان عندنا ناس معينة نبحبهم وبنقدرهم وبنقربهم مننا ولما حد مش قابلينه بيحاول يقرب بنرفض ده جدًا..

 لو تقبلنا الموضوع ببساطة مش هنزعل ولا هنحس بخذلان

 وهنعرف نفرق بين المعارف وبين الناس اللي عندهم استعداد يكونوا قريبين مننا زي ما احنا عندنا استعداد نقرب منهم

 هنعرف إن مش كل اللي في الشغل أصحابنا

 ومش كل اللي بنخرج معاهم وبنقضي وسطهم وقت لطيف ينفع نجري عليهم ونحكيلهم اللي مضايقنا

 ومش كل الحلوين لازم يبقوا في دايرتنا

 ومش كل الناس أصحاب الشخصية الحلوة اللي يقدروا يسمعوا غيرنا ينفع يسمعونا!

 لو فهمنا ده فعلًا والله هنعيش في سلام

اسهل طريقة للربح الوفير بمجرد مشاهدة اعلانات

ادخل واربح يوميا 20 دولار اضغط على الصورة

كود التسجيل

43916904